اهداءات ايمانيه



اللغة العربية نصرة للغة الضاد ، قسم يضم كل الابداعات الادب العربي وشعر

تمنع جميع الحوارات السياسيه فى المنتدى مهما كان نوعها سواء مدح أو ذم ,,, ومنع طرح المواضيع الخلافيه الموجوده على الساحه العربيه الان مهما كان نوعها ومن تخالف هذا القرار للإداره حق التصرف بما تراه مناسب ونسأل الله أن يسدد خطانا جميعا اللهم آآمين الحوارات السياسيه

عجزة .. عودة صلاح الدين

في القرآن ربّك قال للناس: "ادعوني" علشان هوا كريم وبيِدّي وف رمضان الناس بتصلّي تملا الجامع في التراويح وإْمامهم يدعي ويعيّط

   
أدوات الموضوع انواع عرض الموضوع

الصورة الرمزية نور والاسلام
داعية متميزة

رقم العضوية : 8797
الإنتساب : Dec 2008
المشاركات : 178
بمعدل : 0.05 يوميا

نور والاسلام غير متواجد حالياً عرض البوم صور نور والاسلام


  مشاركة رقم : 1  
المنتدى : اللغة العربية
عجزة .. عودة صلاح الدين
قديم بتاريخ : 05-26-2009 الساعة : 01:29 AM

في القرآن ربّك قال للناس: "ادعوني"


علشان هوا كريم وبيِدّي


وف رمضان الناس بتصلّي


تملا الجامع في التراويح


وإْمامهم يدعي ويعيّط


واللي وراه بيقولوا: "آمين"


عارفين كانوا بيدعوا بإيه؟


كانوا كل صلاه بيقولوا:


يا الله


رجّع لينا صلاح الدين...


يا الله


دا احنا بشوق مستنيّين


يا الله


لو جالنا هنقوم واقفين


يا الله


نمشى وراه ونكون طايعين


يا الله


و نحرّر أرض فلسطين


يا الله


بس ييجيلْنا صلاح الدين


يا الله....


*******


ربك دايماً...


ربّ قلوب


بيحبّ العبد اللي بيطلب


وامّا لقى الملايين بيقولوا


رجّع لينا صلاح الدين


سبحانُه.. حقّق رغبتهم


ولقينا الأرض بتنشقّ...!!!


قُدرة ربّك


مين هيكدّب ويقول: "لأ"؟!


ولقينا فارس من نور


وحصانه بيجري ويْدُور


وف إيده السيف المتعافي


استعجِبنا...!!!


وسألناه: "انت اسمك إيه؟!"


قال بالفُصحى:


أنا يا قومِ صلاحُ الدينْ


قد أحياني اللهُ القادرُ


حين دعوتم


أنْ يبعثَني اللهُ إليكم


ها أنا ذا


قد جئتُ إليكم


لكنْ نُبّئتُ بأخبارٍ عنكم سيّئةٍ للغاية


كيف رضيتم أن يُنتهَك الأقصى فيكم؟!


كيف سمحتم للأعداءِ بهذا الأمر؟!


كيف تركتم بيتَ المقدس؟!


كيف قَبِلْتُم عَيْشَ الذلّةِ بينَ الناسْ؟!


إنى مِتُّ وأرضُ القدسِ مُطهّرةٌ من كل خبيث


وتركتُ الأقصى من زمنٍ... منصوراً.. مرفوعَ الراسْ


فتنازلتم أنتم عنه... للأنجاسْ!!


لكن... لا بأسَ.... فقد عُدْتُ


وسنُرجِعُ جيشَ الإسلام


جيشٌ سوف يقودُ العالَم


أنتم.. جُنده..


هيا قوموا...


سوف نحاربُ.. حتى الموتْ


هل مِن أحدٍ يُبدي رأياً فيما قُلت؟"


*******


كل الناس كانت ف ذهول


م اللي بيحصل


واحد فيهم


اتقدّم لصلاح الدين


قال: "اسمحلي


إنت صلاح الدين وانا عارف


لكن آسف...


ما اقدرش أحارب ويّاك


أحسن أنا على وِشّ جواز


عايز اشوفلي يومين ف الدنيا


أبقى عريس..


أفرح واتمتّع و أهِيص


لكن حرب؟!!!


سلامُو عليكم... أنا مش فاضي"


*******


واحد تاني


قال: "اسمحلي يا عَمّ صلاح


إني ما اروحش الحرب معاك


عندي عيال عايز اربّيهُم


وانا غلبان


باقْطَع من جسمي وبادّيهُم


لو رُحت معاك -افرض يعنى-


مين هيأكّلهم مِن بَعدي؟


مين -لو رُحت معاك- يراعيهُم؟


أنا عارف.. ربنا موجود


هوا اللي بيرزُق... مش إحنا


بس انا خايف


والبَرَكه ف باقي الرجاله


هُمّا يسدّوا بدالي هناك


وانا هادعيلكُم كل صلاه"


*******


واحد تالت


قال: "انا تاجِر


عندي المصنع والدكّان


ومشاغِل أشكال والوان


أبقى عبيط لو سِبت مصالحي وْجيت ويّاك


لكن هابقى معاكو بقلبي


*******


واحد رابع...


واحد خامس...


سادس...


سابع...


عاشر...


ألف...


كل الناس قالوا: "آسْفين


رُوح وحدك يا صلاح الدين


أحسن إحنا مش فاضيين


لا لجيشك ولا لفلسطين


إيه يعنى أقصانا سجين؟


ما هو في السجن بَقَالُه سْنين


لو بالحرب هنُنصُر دِين...


يِبقى خلاص ما احناش عايزين


إحنا هنقعد منتظرين


وهندعيلَك بالملايين:


يا الله


إِبْعِد عنا صلاح الدين


يا الله


إحنا بحالنا كده راضيين..



يا الله...


*******


بعد ما قالوا كل كلامهم


بَصّ صلاح الدين بعينيه


مالقاش ولا واحد حواليه


يعمل إيه؟


الأرض انشقّت من تاني


علشان تاخدُه


مارضيش ينزل تحت الأرض


عايز يعمل حاجه ف بالُه


فوق "الأرض"


غَيَّر لِبْسُه


ولِبِس زيّ شباب القُدس


نفْس الشكل ونفْس اللون


كان متغاظ


من كل الناس اللي سابوه


جَمّع غِيظُه.. تحت هْدُومُه


ودخل وسط كلاب الأرض.. وفجَّر نفْسُه...


علشان يفضل


زي ما هوا.... صلاح الدين


لكن ساب في القدس رساله


بيقول فيها


إنه حزين


علشان جيشُه ما كانش معاه


"جيش حِطّين"


و بيطلُب من كل الناس


اللي بيدْعُوا كل صلاه


لو طلبوه تاني ينصرهُم


لما يقولوا: "يا الله..


رجَّع لينا صلاح الدين"


لازم يدعوا كمان و يقولوا:


يا الله


عايزين جيشُه يكون ويّاه


علشان إحنا مش فاضيين


مش هَنْسِيب المال والجاه


مش هنسيب الدنيا الحلوه وْنِمشي وراه


يا الله...


مش عايزينُه ييجي لوحْدُه


لازم جِيشُه يكون ويّاه


لازم جِيشُه...


يكون....


ويّاه



u[.m >> u,]m wghp hg]dk





داعية متألقة

رقم العضوية : 6205
الإنتساب : Jan 2008
الدولة : فلسطين
المشاركات : 850
بمعدل : 0.20 يوميا

لحظة أمل غير متواجد حالياً عرض البوم صور لحظة أمل


  مشاركة رقم : 2  
كاتب الموضوع : نور والاسلام المنتدى : اللغة العربية قديم بتاريخ : 06-02-2009 الساعة : 07:37 PM

السلام عليكم ورحمة الله وبركاته
بارك الله فيكي أختي الحبيبة
ضربتي على الوتر الحساس
ما حد بيهتم في أمور غيره كله عنده نفسه هي كل شيء
لكن حسبنا الله ونعم الوكيل
جزاك الله خيرا على هذه الكلمات المبدعة
وجزيتي الجنة إن شاء الله



إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
اخواتى فى الله بمناسبة اشتراكى معكن تقبلن هديتى ملف كامل للعناية سائلة الله قسم العناية بالشعر 31 10-05-2012 09:12 PM
أختي في الله تفضلي فراشة من الجنة القسم المفتوح 4 04-23-2012 12:43 PM
قصص مؤثرة للفتيات nanale.lolen اللغة العربية 13 08-17-2011 09:54 AM
♥•♥ -- لو تعلمين كمـ أحبـكـ أختي -- ♥•♥ فتاة القرآن أسرة الأخت الداعية 29 10-31-2008 05:16 AM

الذين يشاهدون محتوى الموضوع الآن : 1 ( الأعضاء 0 والزوار 1)
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


New Page 1


جميع الحقوق متاحة لكل مسلم بشرط الأمانة في النقل
Protected by CBACK.de CrackerTracker
mess by mess ©2009